Estimadas familias,
Desde o Departamento de Orientación do CEIP Plurilingüe da Rabadeira queremos facervos chegar algunhas consideracións.
A educación dos vosos fillos/as é cousa de todas e todos!
Sabemos que ninguén coma vós para coñecer aos vosos fillos e fillas por iso é fundamental a vosa colaboración e precisamos que nos facilitedes a maior información acerca deles.
Para que poidamos contribuir coa vosa labor educativa precisamos dunha fluída relación familia-escola. Contades co titor/a dos vosos fillos/as e co Departamento de Orientación para apoiarvos en todo o que precisedes.
O titor/a debe ser a persoa de referencia e deberíades manter unha reunión ao trimestre para informarvos da evolución do voso fillo/a e adoptar conxuntamente as medidas oportunas, de ser necesarias.
Debedes confiar nos consellos e orientacións do titor/a e en caso de dúbida ou calquera inquietude podedes acudir ao DO.
A Orientadora é un membro do equipo docente que vos pode asesorar na labor educativa e orientarvos na procura de solucións aos problemas que poidan xurdir.
Precisamos a vosa axuda
Precisamos que nos facilitedes a maior información a cerca deles, tanto no comezo da súa escolarización como se xurden algún tipo de problema ao longo da mesma (alerxias, problemas de saúde, necesidades educativas especiais, situacións legais de custodia e patria potestade…, ou calquera outro aspecto que consideredes oportuno).
Esperamos participedes activamente na educación dos vosos fillos e fillas, actividades de centro…, e estamos abertos ao diálogo e calquera suxerencia ou opinión que consideredes oportunas.
Que é o Departamento de Orientación?
É un equipo de Mestres de Audición e Linguaxe e Pedagoxía Terapeútica coordinados pola Orientadora do centro.
Ten como finalidade acadar a cooperación de toda a comunidade educativa para lograr o desenvolvemento persoal, social e académico de todo o alumnado do Centro. É unha ferramenta máis para facilitar o asesoramento, intervención e seguemento psicopedagóxico ao profesorado, alumnado e familias.
Obxectivo principal
Asesorar ás familias en diferentes temas psicopedagóxicos, así como tamén, ao profesorado para mellorar a labor educativa de todos e todas. Así mesmo, o Departamento, en colaboración coa familia e profesorado teñen como labor fundamental previr e/ou detectar aqueles problemas que se poidan presentar dentro dos procesos de ensinanza/aprendizaxe.
Gracias pola vosa colaboración
Un Saúdo
Esther - PT
Mónica - PT
Carolina - PT
Teresa - AL
Esther - AL
Rosa - Orientadora
No hay comentarios:
Publicar un comentario